“Muzeu i Drinit”
Projekti “Muzeu i Drinit” synon krijimin e një muzeu të përhershëm që do të ruajë dhe promovojë biodiversitetin dhe historinë e lumit Drin, duke ofruar një qendër edukative për komunitetin lokal dhe turistët. Ky muze do të fokusohet në edukimin dhe ndërgjegjësimin për rëndësinë e ruajtjes së ekosistemit të Drinit dhe mbrojtjes së biodiversitetit. Aktivitetet e projektit përfshijnë krijimin e ekspozitave me akuariume dhe maketa që pasqyrojnë habitatet natyrore të lumit dhe fokusohen në 11 lloje peshqish të rrallë. Muzeu do të shërbejë si një burim edukimi për shkollat dhe të rinjtë, duke ofruar mundësi për aktivitete që promovojnë ruajtjen e ujërave dhe përdorimin e qëndrueshëm të burimeve natyrore.
Aktivitetet do të përfshijnë punëtori edukative dhe kurse për menaxhimin e ujërave dhe energjisë rinovueshme, si dhe do të angazhojnë grupet rinore dhe komunitetin në pastrimin dhe restaurimin e habitatit të lumit Drin. Sfida si ndotja dhe ndryshimet klimatike do të adresohen përmes bashkëpunimit me ekspertë ndërkombëtarë dhe kombëtarë. Një fokus i veçantë do të jetë barazia gjinore, duke siguruar pjesëmarrjen e grave dhe burrave në aktivitete dhe duke angazhuar gratë në mbrojtjen e mjedisit.
Projekti ka si qëllim të rrisë ndërgjegjësimin për rëndësinë e biodiversitetit dhe të ofrojë mundësi për zhvillimin e turizmit të qëndrueshëm dhe ruajtjen e traditave lokale.
Përmes këtij projekti, ne synojmë të forcojmë lidhjen e komunitetit me natyrën dhe të krijojmë mundësi për të rinjtë dhe të gjithë qytetarët të kontribuojnë në ruajtjen e pasurive natyrore të lumit Drin dhe zhvillimin e qëndrueshëm të tij.
Përfundimisht, projekti do të përfshijë aktivitete që mbështesin rreth 2000 vizitorë çdo vit, përfshirë 50% turistë të huaj, dhe do të kontribuojë në edukimin e më shumë se 500 nxënësve nga Kukësi, Shqipëria dhe Kosova, duke promovuar ruajtjen e ekosistemit dhe zhvillimin e qëndrueshëm të rajonit.
Çfarë është projekti “Muzeu i Drinit” dhe cili është qëllimi i tij kryesor?
Projekti “Muzeu i Drinit” synon krijimin e një muzeu të përhershëm që do të ruajë dhe promovojë biodiversitetin dhe historinë e lumit Drin. Qëllimi kryesor është ofrimi i një qendre edukative për komunitetin lokal dhe turistët, duke rritur ndërgjegjësimin për rëndësinë e ruajtjes së ekosistemit të Drinit, mbrojtjen e biodiversitetit dhe zhvillimin e qëndrueshëm.
Çfarë mund të shohin vizitorët brenda ekspozitave të muzeut?
Ekspozitat e muzeut do të përfshijnë akuariume dhe maketa që pasqyrojnë habitatet natyrore të lumit Drin. Një fokus i veçantë do t’i kushtohet 11 llojeve të rralla të peshqve që jetojnë në këtë ekosistem, si për shembull Alburnoides ohridanus, Barbus drini, Pachychilon pictum, dhe Squalius squalius.
Cilat janë aktivitetet kryesore edukative dhe komunitare që organizon muzeu?
Muzeu do të organizojë punëtori edukative dhe kurse për menaxhimin e ujërave dhe energjinë e rinovueshme. Gjithashtu, do të angazhohen grupet rinore dhe komuniteti lokal në aksione konkrete për pastrimin dhe restaurimin e habitatit të lumit Drin, si dhe në ruajtjen e traditave lokale
Si kontribuon muzeu në edukimin e brezit të ri dhe sa vizitorë priten në vit?
Muzeu do të shërbejë si një burim edukimi duke mirëpritur çdo vit më shumë se 500 nxënës nga Kukësi, Shqipëria dhe Kosova. Në përgjithësi, projekti synon të mbështesë rreth 2000 vizitorë çdo vit, ku 50% e tyre parashikohet të jenë turistë të huaj.
Cilat janë kërcënimet kryesore që i kanosen peshqve të rrallë të lumit Drin?
Sipas të dhënave të statusit IUCN, peshqit e rrallë të këtij ekosistemi përballen me kërcënime serioze si ndotja e ujërave, degradimi dhe fragmentimi i habitatit, ndërtimi i digave, rregullimi i lumenjve dhe prania e specieve të huaja (invazive). Për shembull, lloji Barbus drini klasifikohet si i rrezikuar (Endangered – EN) pikërisht nga këto faktorë.
Si e adreson projekti barazinë gjinore dhe përfshirjen e ekspertëve
Projekti i kushton një fokus të veçantë barazisë gjinore, duke siguruar pjesëmarrje të barabartë të grave dhe burrave në të gjitha aktivitetet, si dhe duke angazhuar në mënyrë aktive gratë në mbrojtjen e mjedisit. Për më tepër, sfidat globale si ndotja dhe ndryshimet klimatike do të adresohen përmes bashkëpunimit të ngushtë me ekspertë kombëtarë dhe ndërkombëtarë.
“Drini Day 2026”
Ky video dokumenton ngjarjen “Drini Day 2026”,
një aktivitet i organizuar nga Ekologët për Rajonin, në bashkëpunim me Global Water Partnership – Mediterranean, në kuadër të Projektit GEF Drin II. Nisma synon zbatimin e Programit Strategjik të Veprimit për Pellgun e Drinit, me qëllim forcimin e bashkëpunimit ndërkufitar dhe menaxhimin e integruar të burimeve natyrore.
Aktiviteti u zhvillua nga data 7 deri më 9 korrik 2026, dhe solli së bashku tre bashkitë e Kukësit, Hasit dhe Tropojës, nën moton “Tre Bashkitë – Një Lumë”. Video përfshin momente nga aktivitete të ndryshme përgjatë Liqenit të Fierzës dhe Lumit Drin, duke përfshirë vizita informuese, prezantime rreth biodiversitetit dhe specieve të peshqve të rajonit, si dhe një aksion pastrimi vullnetar përgjatë brigjeve, ku pjesëmarrës të rinj dhe komuniteti lokal u angazhuan për të mbrojtur mjedisin natyror.
Nëpërmjet këtyre aktiviteteve, projekti dëshiron të rrisë ndërgjegjësimin publik për rëndësinë e mbrojtjes së Pellgut të Drinit, duke theksuar mesazhin se bashkëpunimi mes komuniteteve dhe institucioneve është thelbësor për ruajtjen e këtij burimi të përbashkët ujor për brezat e ardhshëm.